| تبليغات | X |
 |
 |
|
|
| شۆڕش محهمهد حسێن
شانۆگهرى(من یهكێك نیم لهئێوه) نمایشدهكات : نوێترین  بهرههمى شانۆى سالار، كه لهئێستادا ئامادهى نمایشكردنه، شانۆگهرییهكه بهناووى(من یهكێك نیم لهئێوه).ئهم شانۆگهرییه له رۆمانى(دواههمین ههنارى دونیا)ى رۆماننووسى كورد(بهختیار عهلى) وهرگیراوه و هونهرمهند(دڵشاد حسێن) ئامادهى كردووه بۆ شانۆ و هونهرمهند(ئهرسهلان دهروێش) كارى دهرهێنانى بۆ دهكات. شانۆگهرى ناوبراو لهلایهن كۆمهڵێك له ئهكتهر و هونهرمهندى دیارى ناوشارى سلێمانى بهرجهسته دهكرێت و بهرههمێكى هاوبهشى نێوان شانۆى سالار و بهرێوبهرێتى هونهرى شانۆى سلێمانیی و پارێزگاى سلێمانییه. ئهكتهره بهشداربووهكانى نێو ئهم نمایشه بریتین له هونهرمهندان(یونس حهمه كاكه-موزهفهرى سوبحدهم-، بهدیعه دارتاش-دایك-، یاسین قادر بهرزنجى-یاقوبى سنهوبهر-، ئامانج ئیبراهیم-ئیكرامى كێو-، ئاشتى عوسمان دانش-سهید جهلالى شهمس-، چێنهر ئهحمهد سالار-نهدیمى شازاده-، شیلان عهبدوڵڵا-لاولاوى سپى-، سروه عهبدولرهحمان-ژنه شههید-، دانا سهڵاح-سهریاسى یهكهم- و تاریق یاسین-سهریاسى دووهم-). كاره هونهرییهكانیش لهلایهن ئهم هونهرمهندانهوه جێبهجێكراوه: "ئهحمهد سالار-سهرپهرشتیارى گشتى-، بورهان قهرهداخى-یاریدهدهرى دهرهێنهر-، ئامانج ئیبراهیم-بهرێوبهرى بهرههم-، پێشهوا عومهر-بهرِێوبهرى شانۆ-، هێڤى عهزیز-یاریدهدهرى بهرێوبهرى شانۆ-، ئهرسهلان دهروێش-دیزاینى سینۆگرافیا-، تاریق یاسین و سروه عهبدولرهحمان-جێبهجێكردنى جلوبهرگ-، رزگار محهمهد و پێشهوا عومهر-جێبهجێكردنى رووناكى-، دانا سهڵاح و هێڤى عهزیز و كاردۆ جهلال-جێبهجێكردنى دیكۆر-، ئهڤین غهریب-ماكیاژ- و دانا ئهحمهد-میوزیك-). ئهم شانۆگهرییه رۆژى 3/1/2009 و رۆژانى دواتر له هۆڵى سلێمانى(سهنتهرى گهنجان) نمایشدهكرىَ. جێى باسه لهگهڵ كۆتایهاتنى نمایشكردنى ئهم شانۆگهرییهدا و وهك بهرههمى ئاینده شانۆى سالار خۆى ئاماده دهكات بۆ نمایشكردنى شانۆگهرییهك بهناووى (مینا). ئهم شانۆگهرییهش له نووسینى هونهرمهند(ئهحمهد سالار) و دهرهێنانى هونهرمهند(ئهرسهلان دهروێش) و ئهم بهرههمهش شانۆگهرییهكى مۆنۆدرامایه و هونهرمهند(ئهحمهد سالار) بهرجهستهى دهكات. راگهیاندنى شانۆى سالار
 |
|
+ نوسراوه له لایهن
لهرِانيه |
|
|
لاپهڕهی سهرهكی پهیوهندی ئهرشیف |
| دهربارهی ماڵپهڕ |
بهخێربێن بۆماڵپهڕى شارى رانیه
رانیه یهکێکه لهشارهکانى باشورى کوردستان ، وهک پلهى ئیدارى قهزایه لهسنورى پارێزگاى سلێمانى وهچهند ناحیهیهکى بهسهرهوهیه ( سهرکهپکان ، بێتواته ، حاجیاوا، چوارقورنه) مهرکهزى ناوچهى بیتوێن و دهڤهرى راپهرینه، رانیه وهکو ناوچه مێژوویهکى دێرینى ههیه وپاشماوه ئهسهریهکانى راستى ئهمه دهسهلمێنىَ کهخۆیان لهقهڵاى رانیه وگردىشمشارهو باسموسیان وگرده دێمه وکامهم و وکامهریان وگردى بۆسکێن و چهندشوێنێکى دیکه. وهکو شاریش مێژووى بهقهزابوونى دهگهڕێتهوه بۆسهردهمى عوسمانیهکان 1789 کهیهکهم قائیمقامى بۆدانراوه ، لهرووى ههڵکهوتهى جوگرافیهوه دهکهوێته باکورى خۆرههڵاتى پارێزگاى سلێمانى یهوه ونزیکهى (130) کم لهم پارێزگایهوه دووره، ئهم شاره خاوهن سروشتێکى دڵ ڕفێنه وشوێنێکى لهبارى ههیه بۆهاوینه ههوارو سهیرانگا لهکهنار ئاوهجوانهکهى دهربهندى رانیهوه یان دهوروبهرى سهرچاوهى ڕهشهمێرگ و لاى گردهدێمه .ههروهها سهیرانگاى بێتواتهو گوندهکانى ناوچهى دۆڵى شاورىَ وئاکۆیهتى ، سروشتى پاک وجوانى ئهم دهڤهرهن . رانیه بهشاخهکانى ( کێوهڕهش و حاجیلهو ئاسۆس ) دهوره دراوه، لهرووى کشتوکاڵیهوه دهشتى رانیه بهناوبانگهو جێگهى رهنێوهێنانى لهبارهو خاکهکهى بهپیت و بهرهکهته ، گهرهکههکانى رانیه بریتین له( قهڵاـ ، رهشهمێرگ ، گڵینجان ، سهرا، رزگارى ،راپهرین ، ئازادى یهک ، ئازادى دوو ، کێوهڕهش ، قووله ، فهرمانبهران ،خانزاد، نهورۆز) رۆڵى ئهمشاره لهبزاڤى شۆڕشگێرى خهڵکى کوردستاندا دیاره ههرلهسهردهمى شهرى دژ بهئینگلیز وسهردهمى حکومهتى مهلیک مهحمود و شۆرشى ئهیلول وشۆرشى نوىَى گهلهکهمان بهرابهرایهتى یهکێتى نیشتیمانى کوردستان ، کهدیارترینیان راپهرینى 1991 کهلهم شارهوه له 1991/3/5 کڵپهى سهندو نازناوى ( دهروازهى راپهرین )ى بۆخۆى مسۆگهرکرد، ژمارهى دانیشتوانى رانیه زیاتر له حهفتا ههزار کهس و نزیکهى یانزه ههزار خێزان وهههروهها یهکهم بڵاوکراوه لهساڵى 1942 بهناوى بڵێسه دهرچووه لهرانیه. |
| نوسهرهكان |
|
رِانيه سابیر |
|
RSS
|
